Cerita Rakyat Sasak Lombok "Sabuk Bidadari"

RAGAM LOMBOK – Cerita Rakyat Sasak suku yang ada di Lombok Nusa Tenggara Barat selalu menjadi menu buat diceritakan secara turun temurun di Pulau Lombok. Dalam cerita rakyat sasak kali ini saya mencoba memposting berbagai adegan cerita melalui bentuk drama. Cerita Sabuk Bidadari adalah salah satu cerita yang disadur dari berbagai sumber yang langsung di dalam masyarakat sasak Lombok, namun kali ini tulisan kisah yang di dalamnya masih menggunakan bahasa sasak (Lombok) dan hal-hal yang belum dimengerti dapat berdiskusi langsung dengan saya. Mari kita simak adegan cerita rakyat suku sasak “ SABUK BIDADARI”

SABUK BIDADARI

Prolog:             Niki araq sopoq waranan siq bejejuluk Sabuk Bidedari. Tekocapang leq zaman laeq lekes, to punclak Gunung Rinjani gunung siq paling beleq tiya daya, turn araq siwaq anak Bidedari lengan Kayangan. Anak-anak Bidedari sino, teceritayang selapuqna dedare inges baruq beleq. Sulit gen ta peta manusia siq maraq angkun Bidedari sino engesna.

B1 :                  Ngumbe kane adiq-kakaq? Payu utawi endeq ita pada lalo bekedeq tipaq Segara Anak?

Bsemua:           Payu, kakak,....payu adiq,... silaq mangkin tiang ngiring berangkat

Prolog:             Tekocapan beterus, iya pada angkat kelampan lengan kayangan. Leq Gunung Rinjani sino mulana terkenal, mulana kesurah ojok senugaq gumi paer,jangka jangka dateng kayangan entan leq punclakna sino araq sopoq segara kodeq siq tersebut danau, arana danau segara anak. Iye taoqna melet laloq pada bekerem leq sopoq taoq pemandiqan siq bejejuluk aiq kalak dakuqna.

Jeraqna pada mandiq, gene taek bait tangkong kerengna, makaq makaq endeqna arak sopoq sopoq. Berari bidadari bidadari sino maliq tipaq aiq segara.

B2:                   "Adik, kakak, selapuq pekakasta  ndarak, pada telang. Nggumbe caranta pada ulek tipak Kayangan?"

B3:                   "Apaa??? Peta ye juluk,, terang kelepangne siq angin. Uwah sekenean, harus te jelap dait pekakas te selapuk."

B2:                  "Ndarak kakak. Adik,,  apa arak dengan nyebok pekakas ta."

B4:                   "Cobak te peta leq sekitar danau niki,. Dendek ta mikir lain lain juluk"

B5:                   "Lamuna selapuq pekakas jangka telang, musti araq dengan tela siq gen ngorayang iya."

B6:                   "Jari, sai dengan tela siq ngorayang pekakas te selapuq? Leq sekitar danau niki ndarak dengan ta gitak."

Raksasa:          "Ambun wong, . . . ambun wong. . . !"

B.semua:           "sai ino besurak, maraq ongkat raksasa. Raksasa sino nyebok tangkong kerengta."

B3:                   "kakak, adik, raksasa sino dateng. Endekku bani dait raksasa sino"

B1:                   "Eeee raksasa, makat anta nyeboq tangkong-kerengku? Masa kamu endeq periak?"

Raksasa:           "Ambun wong,. . . ambun wong, . . .hahahahahahahha "          

                        "Lamuna anta pada mele bait bendang kereng dait senugaq pekakas anta malik, harusna ita pada pinaq upak-upak atau janji juluq."

B4:                   "Ngumbe upak-upak siq kanggoqda??"

Raksasa:          "Ngene, . . .! selapuq bedereq leq sedin telaga sini, sopoq gen ku pilen jak bakal tepu tene. Endeq ku beang lalo ulek maliq tipaq kayangan. Gen ku pinaq jari seninangku. Lamunbi sepakat, baruq ku baitang anta pekakasbi selapuqna!"

B1:                   "aoq uwah aneh"

B5:                   "Ngumbe angkan adiq becat laloq kena aoq?"

B6:                   "apa adiq mele tepu tene jari seninaqna raksasa sino?"                         

B1:                   "Endeqna ngeno kaka, laguk sementaranta dait akal. Ita pada meta cara ngalahang raksasa sini, endeqna inik lamuna selapuqta masih bekeren leq dalem aiq"

B2:                   "Laun lamuna uwah bepekakas baruq ta mikir. Ngumbe jakna pendait ta leq kala nika."

B3:                   "Manjur genta pada taeq belondan selapuq ta,,,...ndek ta kanggo sampek peteng tene."                

Saksakadi:       "Hahhh, Ongkat surak raksasa jahat ino, pasti araq dengan siq nyekena dait kesulitan pinaqna sik raksasa sino. Meh ku nulung ya.."

Raksasa:          "Ni kakenanku..... ambun wong.... ni kakenanku..."

Saksakadi:       "Araq apa ni??"

Raksasa:          "Tedoq anta, anta endeq taon apa-apa. Endeq meq kanggo milumilu turut campur. Sine endeqna persoalan anta. Ngumbe,...... siq embe jaq bani piwal eleq perentahku, genku entaq iya kataq-kataq."

B4:                   "Ngene nani raksasa. Beng uwah adingku pekakasna. Alur selapuk semeton merok tene ngabdi jari seninaq meq."

Raksasa:           "Bagus lamuna ngeno."

B5:                   "Nunas tulung...... nunas bantuan sareng pelungguh sanak....raksasa niki endeqna taon adat gati-gati"

B1:                   "Endeq tiang suka reda gen merariq timpal raksasa. Lamuna pelungguh nenten bepekayunan nulung tiang dait semeton tiang, sejari jari beras bekerem. Tiang irak selapuk semeton tiang ngangkat siat"

Raksasa:           "Eee manusia,....! endeq pinaqang diriq meq penyusah. Entak ku baduk meq laun...."

Saksakadi:        "Eee raksasa,, aku sini endeqku girang nyampurin urusan dengan lain. Lagu kamu mula tulen tau salq. Kewajibanku siq kebaos manungsa gen nulung nulung dengan siq lemah, dengan siq dait penyusah, sengak kamu sini tuwi teparan tau jahat. Endaq luwek laloq sesumbar meq.

Saksakadi:        "Ngumbe angkuunda pada nengkesur tipaq kayangan mangkin?"

B6:                   "Inggih sanak, tiang masih susah  niki. Kelempan tipaq kayangan niki begaq  jaogna. Nenten arak pengalaman endah bekelampan kemalem.

Saksakadi;       "Lamun marak nika, dewek tiang pesilaq pelungguh sami margiring pondok petapayan tiang, nika taoq pelungguh sami marepan sintung semalem doang. Lemak kelemaq sesampun jelo ngembak (tiwoq) pelungguh sami mantuk."

B1:                  "Berat idap tiang yaq bebilinan sareng pelungguh sanak, melet tiang tepu sareng pelungguh leq dunia sik kebaos gumi sasak niki, laguq nenten arak daya-upaya eleq tiang. Laguk sok wanten jari penandoq ate-angen sik bekangen, sebilangna inggas ujan leq gumi paer  puniki pelungguh cingakin langit, sanugak pekakas terutama lempot, tiang kendang. Aik siq gerik tipak gumi nika, besopok aiq mata pertanda dewek-tiang mula tuwi kangen pelungguh. Lamun pelungguh cingak selendang utawi sabuk bekekelat leq atas langit, daweq serminang, nika taoq penyingak pelungguh tiang jari sopoq"

Prolog:             Endeqna bina maraq sesenggak gumi Sasak “Selebung Batubeleq, mun uwah kedung yakna tekumbeq.”  Siwak bidedari beterus ta atong tipak sedin Segara Anak, sambilna erok asek pada nengkesur tipak kayangan. Wantah sampun niki waran puniki, tiang ngiring puputang juluk.

Keterangan: B = Bidadari

• Twitter
• Facebook
• Google
• Tumblr
• Pinterest